राहुरी :- पाण्यात बुडणाऱ्या पतीला तिने वाचवले, पण मुलासह तिचा बुडून मृत्यू झाला. ही दुर्घटना रविवारी सायंकाळी मुळा धरणावरील चमोरी गेस्टहाऊससमोर घडली.
नगर शहरातील बोरूडे मळा येथील सातपुते कुटुंब शेजारच्या कुटुंबाबरोबर मुळा धरण पाहण्यासाठी रविवारी दुपारी गेले होते. फेरफटका मारल्यानंतर गणेश सातपुते (४३), पूजा गणेश सातपुते (३७) व मुलगा ओंकार (१३) हे तिघे चमोरी गेस्टहाऊससमोर जलाशयाजवळ उभे होते. अचानक ओंकारचा पाय खडकावरून घसरल्याने तो पाण्यात पडला.
मुलगा पाण्यात पडल्याचे दिसताच वडील गणेश यांनी त्याला बाहेर काढण्यासाठी पाण्यात उडी टाकली. मात्र, या बाप-लेकाला पोहता येत नसल्याने दोघेही बुडू लागले. आपला पती व मुलगा बुडत असल्याचे पाहून क्षणाचाही विलंब न करता पूजा यांनी धाडसाने पुढे जात पतीला हात दिला. त्यामुळे त्यांचा प्राण वाचला. पण मुलगा ओंकारला वाचवण्याचा प्रयत्न यशस्वी झाला नाही.
पाण्याची खोली जास्त असल्याने मायलेक बुडाले. पत्नी व मुलगा पाण्यात बुडत असल्याचे पाहून गणेश यांनी मोठ्याने आरडाओरडा केला. हा आवाज ऐकताच अनेकांनी घटनास्थळी धाव घेतली.
मुळानगरचे माजी सरपंच अंकुश बर्डे, आसाराम माळी यांनी धरणात पोहणारे भाऊसाहेब बर्डे, सुनील गजरे, सागर नवरे यांना पाचारण करून पूजा व ओंकार यांचा शोध घेतला. सहा वाजता पूजा यांचा, तर साडेसहा वाजता मुलाचा मृतदेह हाती लागला.
- Ahmednagar News : कार व दोन दुचाकींचा भीषण अपघात ! एक ठार तर एक जखमी
- Ahmednagar Politics : अहमदनगरमध्ये एमआयएमने माघार का घेतली? मुस्लिम समाजानेच त्यांचा एकजुटीने केला विरोध? बदलती समीकरणे दक्षिणेत ट्विस्ट आणणार
- DY Patil Vidyapeeth : प्राध्यापक होण्याची उत्तम संधी! पुण्यातील ‘या’ प्रसिद्ध विद्यापीठात सुरुये भरती…
- MRVC Bharti 2024 : मुंबईतील रेल्वे विकास कॉर्पोरेशनमध्ये ‘या’ पदांसाठी निघाली भरती; अर्ज करण्यापूर्वी वाचा ही बातमी!
- LIC policy : LICच्या ‘या’ योजनेत फक्त 45 रुपये गुंतवून कमवा लाखो रुपये, अशा प्रकारे गुंतवणूक…