नेवासे : भानस हिवरा येथे मातंग समाजाच्या स्मशानभूमीत शेततळे खोदल्याने दफन केलेल्या मृतदेहांची हाडे वर आल्याने त्यांची विटंबना झाली. त्यामुळे पंचायत समिती सदस्य किशोर जोजर यांच्यासह सहा जणांवर ॲट्रॉसिटीचा गुन्हा दाखल करण्यात आला.
काही गावगुंडांनी शेततळ्यासाठी पोकलेनने स्मशानभूमीत खोदकाम केले. त्याममुळे काही कबरी उघड्या पडल्या. पुरलेल्या मृतदेहांची हाडे वर आली.
काम रोखण्याचा प्रयत्न केला असता पंचायत समिती सदस्य किशोर जोजार, सयाजी ढवाण, बाबासाहेब ढवाण, रवींद्र भणगे, नंदू जाधव यांनी जातीवाचक शिवीगाळ करत जीवे मारण्याची धमकी दिली, असे तहसीलदारांना दिलेल्या निवेदनात म्हटले आहे. संबंधितांवर गुन्हे दाखल करावेत, या मागणीसाठी शुक्रवारी भानस हिवरा गाव बंद ठेवून निषेध करण्यात आला.
या वेळी भानस हिवरा विविध कार्यकारी सोसायटीच्या कार्यालयासमोर भारतीय लहुजी सेनेचे राष्ट्रीय अध्यक्ष बाळासाहेब बागूल यांचे नेतृत्वाखाली निषेध सभा घेण्यात आली.
भारतीय लहुजी सेनेचे राष्ट्रीय अध्यक्ष बाळासाहेब बागूल, राज्याध्यक्ष सुरेशराव आडगळे, सामाजिक कार्यकर्ते संतोष साळवे, नितीन दिनकर यांनी मनोगत व्यक्त केले.
गावातील सामंजस्याचे वातावरण भंग होऊ न देता शांतता आणि जातीय सलोखा पाळावा, असे आवाहन भाजप नेते नितीन दिनकर यांनी निषेध सभेत केले. नेवासे पोलिस ठाण्याचे उपनिरीक्षक गौतम वावळे यांना निवेदन देण्यात आले. निवेदन दिल्यानंतर सहा जणांविरुद्ध गुन्हा दाखल करण्यात आला.
- निलेश लंके यांच्या प्रचारासाठी शरद पवार बुधवारी पुन्हा नगरमध्ये; शिवसेना नेते खा. संजय राऊत यांची तोफही धडाडणार, सकाळी श्रीगोंद्यात तर सायंकाळी नगरमध्ये प्रचार सभा
- पोस्ट ऑफिस की बँकेची आरडी योजना, कुठे मिळणार जास्तीचा परतावा ? वाचा डिटेल्स
- NCCS Pune Bharti 2024 : पुण्यातील NCCS मध्ये ‘या’ रिक्त जागा भरण्यासाठी मुलाखतीचे आयोजन; बघा शैक्षणिक पात्रता…
- Ahmednagar News : अहमदनगरमधील धक्कादायक घडामोडी ! विसापूर कारागृहातून आरोपी फरार, तर नगरमध्ये पत्नी, मेव्हण्यावर पतीकडून कुऱ्हाडीने सपासप वार
- Pune Bharti 2024 : महाराष्ट्र एज्युकेशन सोसायटी, पुणे येथे शिक्षक पदाच्या जागेसाठी भरती सुरु, वाचा सविस्तर…