अहमदनगर :- नगर तालुक्यातील पाच ग्रामपंचायतीच्या निवडणुकीत नवख्या व युवा नेतृत्वाने प्रस्थापितांना जोरदार धक्का दिला आहे.
पारगाव भातोडी, पारेवाडी, मजले चिचोंडी या गावांमध्ये विद्यमान सरपंचांच्या हातातून सत्ता निसटली आहे.
पारगाव ग्रामपंचायतीत आमदार शिवाजी कर्डिले यांच्या गटाचा दारूण पराभव करत युवा व्याख्याते गणेश शिंदे यांच्या नेतृत्वाखालील मंडळाने दिमाखदार विजय मिळविला.
तालुक्यातील पारगाव, पारेवाडी, मजले चिंचोली, भोयरे पठार, भोयरे खुर्द, इसकळ व पारगाव मौल्ला या ग्रामपंचायतींसाठी रविवारी (२३ जून) मतदान झाले होते.
नगर तहसील कार्यालयाच्या आवारात सोमवारी (२४ जून) सकाळी मतमोजणी झाली. पारगाव भातोडी येथे आमदार शिवाजी कर्डिले यांच्या नेतृत्वाखाली सरपंच शिवाजी शिंदे यांची सत्ता होती.
या वेळी त्यांच्या सुनबाई भारती नितीन शिंदे या सरपंचपदासाठी निवडणुकीच्या रिंगणात होत्या. त्यांच्याविरोधात युवा व्याख्याते गणेश शिंदे यांच्या भावजयी मीनाक्षी संतोष शिंदे यांचे आव्हान होते.
गणेश शिंदे यांनी आमदार कर्डिले यांच्या उमेदवाराविरोधात आघाडी उघडल्याने शिवसेनेचे जिल्हाप्रमुख प्रा. शशिकांत गाडे, शहरप्रमुख दिलीप सातपुते
यांच्यासह शिवसेनेच्या पदाधिकाऱ्यांनी त्यांना ताकद दिली. गणेश शिंदे यांच्या नेतृत्वाखालील पॅनेलने सरपंचपदासह आठही जागांवर दिमाखदार विजय मिळविला.
- सरकारी कर्मचाऱ्यांसाठी कामाची बातमी ! महागाई भत्ता शून्य होणार की 50% च्या पुढे वाढत राहणार ? समोर आले नवीन अपडेट
- सोयाबीन लागवड : यंदा ‘या’ वाणाची लागवड करा, विक्रमी उत्पादन मिळणार !
- पंजाबरावांचा नवीन हवामान अंदाज आला ! महाराष्ट्रात आणखी ‘इतके’ दिवस सुरू राहणार वादळी पाऊस, डख नेमके काय म्हटलेत ?
- National Insurance Academy : पुण्यातील राष्ट्रीय विमा अकादमीमध्ये ‘या’ पदांसाठी भरती सुरु, वाचा सविस्तर…
- Naval Dockyard Mumbai Bharti : 8 वी, 10 वी आणि ITI उत्तीर्णांना नेव्हल डॉकयार्ड मुंबई मध्ये नोकरीची सुवर्णसंधी; फक्त करा ‘हे’ काम!