तलवारीने वार करुन खुनाचा प्रयत्न

नेवासा :- तालुक्यातील जेऊर हैबती शिवारात एकाला तलवारीने वार करून खुनाचा प्रयत्न केल्याची घटना घडली आहे.

जेऊर हैबती शिवारात पंडित यांच्या ओमसाई मोबाईल शॉपी येथे अंबादास कारभारी गायकवाड, वय ३३, धंदा शेती, रा, जेऊर हैबती हे बसलेले असताना तेथे चार आरोपी आले,

व काही एक कारण नसताना शिवीगाळ करुन तलवारीने वार केले व जिवे ठार मारण्याचा प्रयत्न केला.

आरोपींनी याला जिवंत सोडू नका, तोडून टाका, असे म्हणत खून करण्याचा प्रयत्न केला,

जखमी अंबादास कारभारी गायकवाड यांनी वरील प्रमाणे नेवासा पोलिसात फिर्याद दिल्यावरुन मारहाण करणारे आरोपी अक्षय दिलीप उगले, शाहराव भाऊराव उगले, सुनील भाऊराव उगले,

सर्व रा. जेऊर हैबती यांच्याविरुद्ध भादवि कलम ३०७, ३२३, ५०४, ५०६ आर्म अक्ट ४ / २५ प्रमाणे गुरनंण ४०२ दाखल करण्यात आला आहे.