प्रेमप्रकरणातून कुमारी मातेने दिला बाळाला जन्म; तरुणाविरुद्ध गुन्हा.

श्रीगोंदे :- तालुक्यातील अजूनज परिसरात युवती व गार येथील विनायक पांडुरंग मगर यांच्या प्रेमप्रकरणात प्रियकराने लग्न न करताच शारीरिक संबंध ठेवल्याने प्रेयसीने एका बाळाला जन्म दिला.

मात्र या बाळाला विनायक मगरने स्वीकारण्यास तयार नसल्याने पीडित कुमारी मातेने याबाबत श्रीगोंदे पोलिसात गुन्हा दाखल केला.

ही घटना दौंड परिसरात घडली असल्याने गुन्हा दौंड पोलिसात वर्ग करण्यात आला, अशी माहिती श्रीगोंदे पोलिस ठाण्याचे पोलिस निरीक्षक दौलतराव जाधव यांनी दिली.

अजनुज येथील एक युवती व येथील युवक विनायक मगर हे श्रीगोंदे शहरातील एका महाविद्यालयात सन २०१७ मध्ये शिक्षण घेत होते.

शिक्षण घेताना मुलीची व विनायक मगर यांचे प्रेम जडले. मुलीचे बारावीपर्यंत शिक्षण पूर्ण झाल्यानंतर ती बारामती येथे खासगी कंपनीत नोकरी करू लागली.

त्यावेळी प्रियकर विनायक मगर याने तिला जुलै २०१८ मध्ये दौंड येथे लग्नाचे आमिष दाखवून तिच्याशी शारीरिक संबंध ठेवले.यात मुलगीही गर्भवती राहिली.

२५ मार्च २०१९ रोजी दौंड येथील एका खासगी हॉस्पिटलमध्ये तिने बाळाला जन्म दिला. त्यानंतर प्रियकराने हे बाळ स्वीकारण्यास नकार दिला. 

728 X90 Jeep Car