अहमदनगर :- नगर लोकसभेची जागा भाजप व राष्ट्रवादीने प्रतिष्ठेची केली आहे. खुद्द मुख्यमंत्री फडणवीस यांनीच विखेंना येथून उमेदवारी दिली असल्याने त्यांचे विशेष लक्ष या मतदारसंघावर आहे.
दुसरीकडे पवार यांनी डॉ. विखेंना उमेदवारी नाकारताना आमदार संग्राम जगताप यांना उतरवून त्यांच्यासाठी आपलीही जिल्ह्यातील राजकीय ताकद एकवटली आहे.
त्यामुळे येत्या १५-२० दिवसात या मतदारसंघात दोन्ही बाजूंनी स्टार प्रचारकांच्या सभांचा धडाका दिसणार आहे.
मार्चच्या अखेरीस नगरमध्ये समर्थकांची बैठक घेऊन पवारांनी जगतापांना दिलासा दिला असताना आता सर्वात आधी त्यांच्याच दोन प्रचार सभा जिल्ह्यात घेतल्या जाणार आहेत.
येत्या शुक्रवारी (५ एप्रिल) सायंकाळी शेवगावला व शनिवारी (६ एप्रिल) कर्जतला त्यांच्या सभा होणार आहेत.
दरम्यान सुजय विखे यांच्या प्रचारासाठी पंतप्रधान नरेंद्र मोदी यांची जाहीर सभा घेण्याचे भाजपचे नियोजन एकीकडे सुरू असताना दुसरीकडे त्यांची ही सभा झाल्यानंतर लगेच मनसेचे प्रमुख राज ठाकरे संग्राम जगताप यांच्यासाठी सभा घेण्याची शक्यता आहे.
बदलत्या राजकारणात ठाकरे व पवार यांच्यात मैत्रीचा नवा अध्याय सुरू झाला आहे.
त्यामुळेच त्याचे पुढचे पाऊल म्हणून मोदींविरोधात त्यांच्याच भाषेत आगपाखड करण्यासाठी राज ठाकरेंना पुढे केले जाणार असल्याचे सांगितले जाते.
या पार्श्वभूमीवर नगरला मोदींची सभा झाल्यावर लगेच राज ठाकरेंचीही सभा अपेक्षित मानली जात आहे.
मोदींची १३ एप्रिलला रामनवमीच्या दिवशी वा नंतर १५ ते १८ एप्रिलदरम्यान सभा घेण्याचे नियोजन आहे. त्यामुळे त्यानंतर राज ठाकरेही नगरला येण्याची शक्यता आहे.
- Supreme Court Decision: ‘स्त्रीधन’ ही पूर्णतः पत्नीची मालमत्ता, त्यावर पतीचा कुठलाही प्रकारचा नसणारा अधिकार! सुप्रीम कोर्टने दिला महत्वपूर्ण निर्णय
- तुम्हाला माहित आहे का की उत्तीर्ण होण्यासाठी किमान 33% का आवश्यक असतात? वाचा यामागील महत्वाचे कारण
- व्यक्तीच्या पायाची बोटे सांगतात त्या व्यक्तीचे व्यक्तिमत्व कसे आहे? वाचा पायाच्या बोटांवरून एखाद्या व्यक्तीची जीवनशैली कशी ओळखाल?
- Numerology: ‘या’ तारखांना जन्मलेल्या मुली घराच्या प्रगतीसाठी असतात महत्त्वाच्या आणि पतीला देतात प्रत्येक पावलावर साथ! वाचा माहिती
- Railway Ticket Booking: तिकीट एजंटकडून रेल्वेचे कन्फर्म तिकीट बुक करत आहात का? जरा थांबा,नाहीतर होऊ शकतो मनस्ताप