पाथर्डीत दोन मित्रांमध्ये किरकोळ वादातून गोळीबार.

अहमदनगर लाईव्ह24.कॉम :- नवीन वर्षाच्या स्वागतासाठी एकत्र आलेल्या दोन मित्रांमध्ये काल रात्री उशीरा वाद होऊन गोळीबार झाल्याचा प्रकार पाथर्डी येथे घडला. त्यातील एकजण जखमी असून, त्यावर उपचार सुरू आहेत.

पाथर्डी येथील शेवगाव रस्त्यावर हा प्रकार घडला. त्या भागातील एका हॉटेलवर बबलू कांबळे आणि संतोष गायकवाड हे दोघे जेवण करायला गेले होते. तेथे त्यांच्यात वाद निर्माण झाला. या वादातच संतोष गायकवाड याने त्याच्याजवळील एअरगनमधून गोळीबार केला. यातच कांबळे जखमी झाले.

कांबळे यांना गोळी लागली का गनच्या दस्त्याने मारहाण झाल्यामुळे ते जखमी झाले, हे रात्री उशीरापर्यंत समजू शकले नाही. घडलेल्या या प्रकाराची आज दिवसभर पाथर्डी शहरात चर्चा होती. सोशल मिडियावरही गोळीबाराबाबत माहिती फिरत होती.

—————————-
अहमदनगर ब्रेकिंग न्यूज अपडेट्स साठी आमच्या फेसबुक पेजला लाईक आणि ट्वीटर वर फॉलो करा.
728 X90 Jeep Car