खासदार दिलीप गांधीच्या अडचणीत वाढ.

अहमदनगर लाईव्ह24.कॉम :- निवडणुकांच्या तोंडावरच गांधीपुढे अडचणी वाढल्याने पक्षांतर्गत आणि बाहेरच्या विरोधकांकडून त्याचे भांडवल केले जात आहे. पक्षांतर्गंत गटबाजी आणि अन्य अडचणींतून मार्ग काढत आपले स्थान कायम ठेवण्यात आत्तापर्यंत यश मिळविलेल्या खासदार दिलीप गांधी यांच्यापुढील अडचणी आता वाढू लागल्या आहेत.

----------------------------
अहमदनगर जिल्ह्यातील बातम्या वाचा तुमच्या मोबाईल वर, डाऊनलोड करा 
Ahmednagarlive24 चे App  https://goo.gl/A1KePS .
-------------------------------
छत्रपती शिवरायांबद्दल अपशब्द वापरणारा माजी उपमहापौर श्रीपाद छिंदम याच्यामुळे गांधी अडचणीत आले असतानाच आता त्यांच्यासह पुत्राविरूद्ध खंडणीचा गुन्हा दाखल झाला आहे. भाजपचे खासदार गांधी यांचे पक्षात विशेषतः वरिष्ठ पातळीवर चांगले संबंध आहेत. त्याआधारे त्यांनी पक्षात स्थानिक पातळीवर वर्चस्व टिकवून ठेवण्याचा सातत्याने प्रयत्न केला. 

मागील निवडणुकीच्या वेळी त्यांना उमेदवारी मिळू नये इतपत प्रयत्न झाले होते. मात्र, अखेरच्या टप्प्यात त्यांना उमेदवारी मिळाली आणि ते विजयीही झाले. पुढे चालून शहर जिल्हाध्यक्षपदाच्या रुपाने पक्षाची स्थानिक पातळीवरील सूत्रेही त्यांच्याकडे आली. मधल्या काळात मुलाला नगरसेवक करता आले, आपला खास समर्थक छिंदम याला उपमहापौर करण्यातही ते यशस्वी झाले.

असे असताना अलीकडे मात्र, त्यांच्यापुढे अडचणी वाढत आहेत. वरिष्ठ पातळीवरील चांगल्या संपर्कामुळे पक्षांतर गटबाजीचा फारसा फटका त्यांना बसत नव्हता. आता मात्र छिंदम प्रकरण गंभीर बनले आहे. त्याचा फटका पक्षालाच बसण्याची शक्यता निर्माण झाली आहे. त्यामुळे पक्षही सावध भूमिकेत असल्याने विरोधी गटाने केलेली तक्रार गांभीर्याने घेतली जाऊ शकते. तशाच त्यांच्याविरूद्ध खंडणीचा गुन्हा दाखल झाला आहे. 

सुरवातील शोरूम चालकाने पंतप्रधान कार्यालयाकडे तक्रार केली होती. तेथून हे प्रकरण पोलिसांकडे आले होते. तरीही कारवाई होऊ शकली नव्हती. आता मात्र हायकोर्टानेच आदेश दिल्याने पोलिसांपुढेही पर्याय राहिला नाही. पक्षाच्यादृष्टीने खासदाराविरूद्ध खंडणीचा गुन्हा दाखल होणे हे तशी गंभीर बाब आहे. त्यामुळे छिंदम प्रकरणाला जोडूनच याचीही दखल घेतली जाऊ शकते. पक्षांतर्गत त्यांचे विरोधक याचे भांडवल करणारच. सोबतच त्यांच्या अधिपत्याखालील नगर अर्बन बँकेच्या कारभाराचीही चर्चा असते. तेथील त्यांचे विरोधकही सक्रीय आहेत.
--------------------------------
ADVT - फ्लिपकार्ट वर मिळवा आकर्षक ऑफर्स अधिक महितीसाठी लिंक वर क्लिक करा http://fkrt.it/2bbLG!NNNN
----------------------------------

लोकसभा निवडणुकीसाठी दक्षिण नगर मतदारसंघातील हालचाली गतिमान झाल्या आहेत. नवीन इच्छूक उमेदवार पुढे आले असून त्यांनीही जोरदार तयारी सुरू केली आहे. त्यांच्यादृष्टीनेही गांधी यांच्यापुढील अडचणी फायद्याच्या ठरणाऱ्या आहेत. पक्षातील विरोध गृहित धरून गांधी यांनी आपली स्वतंत्र यंत्रणा मतदारसंघात विकसित केली होती. पक्षातील काही मंडळींसोबतच ही यंत्रणा त्यांच्या कामाला येत होती. 

त्या जोरावरच त्यांची आतापर्यंतची कारकीर्दी सुरू आहे. मात्र, अलीकडे घडलेल्या दोन गंभीर प्रकरणांमुळे ही यंत्रणा त्यांना यापुढे कशी साथ देते, यावरही पुढील गणिते अवलंबून राहणार आहेत. गटबाजीला महत्व न देता त्यांना पाठीशी घालणारे पक्षातील वरिष्ठ नेतेही आता नाराज असून त्यांच्या बाबतीत सावध भूमिका घेत असल्याचे सांगण्यात येते. बँकेतील काही प्रकार वगळता त्यांच्यासंबंधी ठोस तक्रारी कराव्यात, असे मुद्दे आतापर्यंत त्यांच्याविरोधकांकडे नव्हते. आता ते प्राप्त झाल्याने त्यांच्या हालचाली वाढल्या आहेत.
-------------------------------------------------
अहमदनगर लाईव्ह वर आपल्या जाहिराती आणि बातम्यांसाठी 9673867375 वर संपर्क करा, 
अहमदनगर जिल्ह्यातील बातम्या वाचा तुमच्या मोबाईल वर, डाऊनलोड करा 
Ahmednagarlive24 चे App  https://goo.gl/A1KePS ह्या लिंकवरून . 
ब्रेकिंग न्यूज अपडेट्स साठी आमच्या फेसबुक पेजला लाईक आणि ट्वीटर वर फॉलो करा.
--------------------------------
Powered by Blogger.